Paso un
Sementeira e Arriga
O liño seméntase nos meses de abril ou maio e recóllese cando a bagaña está ben dourada, arrincándoo de raíz.
Paso dous
Ripar
Consiste en pasar a planta do liño entre os dentes dun ripo para separar a bagaña do talo.
Paso tres
Empozado e Secado
Os feixes de liño métense nunha poza con auga durante varios días e posteriormente, colócanse ao sol hasta que sequen.
Paso catro
Mazar
Cunha maza danse golpes no talo do liño para romper as partes leñosas.
Paso cinco
Deluvar
Consiste en frotar o liño coas mans para que as partes mais grosas rompan con maior facilidade.
Paso seis
Tascar
Coa axuda dunha espadela e un espadaleiro tiraranse os tascos do liño deixándoo mais limpo.
Paso sete
Asedar
Consiste en pasar o liño polo peite de asedar para rematar de limpalo dos tascos e deixalo pronto para fiar.
Paso oito
Fiar
Coa axuda dunha roca e un fuso, que se vai xirando nas mans, obterase o fío do liño.
Paso nove
Ensarillado
Colócase o fío no sarillo e a vez que este vai xirando vanse facendo as meadas.
Paso dez
Lavar e branquexar
Lávanse as meadas, cócense e póñense a clareo, hasta conseguir que queden ben brancas.
Paso once
Debanar
Colócanse as meadas na debadoira e a vez que esta xira, iranse facendo os nobelos de fío.
Paso doce
Tecer
Despois de montar o tear poderase comezar a tecer todo tipo de pezas co liño obtido.
Sementeira e Arriga
Ripar
Empozado e Secado
Mazar
Delubar
Tascar
Asedar
Fiar
Ensarillado
Lavar e branquexar
Debanar
Tecer